“ቅዱስ ፓትርያርኩ ወደ አገራቸው ይግቡ፣ ግን እንዴት ይግቡ?” የሚለው ቅዱስ ሲኖዶሱን አወያየ

ማውጫ፦  Posted by 

(ደጀ ሰላም፤ ጥር 7/2005፤ ጃኑዋሪ 15/2013/ PDF)፦ ትናንት ሰኞ የተጀመረው የቅዱስ ሲኖዶስ አስቸኳይ ጉባኤ ላይ  የተገኙ ብፁዓን አበው በዕርቀ ሰላሙ እና በቀጣዩ ፓትርያርክ ጉዳይ ሲነጋገሩ የዋሉ ሲሆን ዕርቀ ሰላም መቅደም እንዳለበት በደምሳሳው ግብብነት እንዳለ ተመልክቷል። ይሁን እንጂ አራተኛው ፓትርያርክ ብፁዕ ወቅዱስ አቡነ መርቆርዮስን በተመለከተ ብፁዓን አበው በቀደመ አቋማቸው ማለትም “ወደ አገር ቤት ገብተው በጡረታ፣ በአንድ ሥፍራ ይቀመጡ” በሚለው እንደጸኑ በትናንትናው ስብሰባቸው አስረግጠዋል ተብሏል፡፡

ምልዐተ  ጉባኤ  በተጠራበት  በትናንት ውሎ  ስብሰባ  ከሰሜን  አሜሪካ  የተመለሱ  ልዑካን  የተጓዙበትን  የሰላም  ጉዞ  በተመለከተ ለጉባኤው አሰምተዋል፡፡ በመቀጠልም በዕርቀ ሰላሙ ዙሪያ በሰፊው ተወያይተዋል፡፡ በዕለቱ አንዳንድ አባቶች በአጽንዖት እንዳሳሰቡት ዕርቀ ሰላሙን ወደ ኋላ አድርጎ ወደ ምርጫ መሔድ በተለይ በውጭው ዓለም የሚገኙ አያሌ ምእመናንን መበተን ነው፡፡ ስለዚህ ከምርጫ በፊት ዕርቀ ሰላም መቅደም አለበት ብለዋል፡፡ በአብዛኛው የቅዱስ  ሲኖዶስ አባላት ዕርቀ ሰላሙ መቀጠል አለበት በሚለው ሲስማሙ እንዴት ይቀጥል የሚለው ግን አነጋጋሪ ሆኖ  ውሏል፡፡
ቅዱስ ሲኖዶስ ከዚህ በፊትም በነበረው አቋም ብፁዕ ወቅዱስ አቡነ መርቆርዮስ መመለሳቸውንና ወደ አገር ቤት  መግባታቸው ላይ እንደሚስማማ ገልጦ ነገር ግን ተመልሰው በመንበራቸው ይቀመጡ የሚለውን እንደማይቀበለው  መግለጹ ይታወሳል፡፡ በሰኞው የስብሰባ ውሎ በአብዛኛዎቹ የቅዱስ ሲኖዶስ አባላት የተንፀባረቀው ይኸው ሐሳብ ነው፡፡ ፓትርያርኩ  መመለስ  ይችላሉ፤ በውጭው ሲኖዶስ አማካይነት ለጵጵስና ማዕረግ የበቁ አባቶችም ወደ አገር ቤት  ተመልሰው  መምረጥም ሆነ መመረጥ በሚችሉት ሁኔታ የአገር ቤቱን  ቅዱስ  ሲኖዶስ  የመቀላቀል መብት  አላቸው፡፡ ከዚህ  ባለፈ ግን ብፁዕ ወቅዱስ አቡነ መርቆርዮስ ከነሥልጣናቸው ገብተው በፕትርክናው  መንበር ይቀጥሉ የሚለውን  መቀበል ግን በፍጹም የማይሆን ነው በማለት ሲናገሩ ተሰምተዋል፡፡
አንዳንድ አባቶች ከዚህ ጋር በተያያዘ ሲናገሩ “ዕርቀ ሰላሙ የተጀመረው ብፁዕ ወቅዱስ አቡነ ጳውሎስ  ከማረፋቸው  በፊት ነው፡፡ ያን ጊዜ  ዕርቀ ሰላሙ ጉዞ ተሳክቶ ቢሆን ብፁዕ ወቅዱስ አቡነ መርቆርዮስ ወደ አገር ቤት እንዲመለሱ እና   በወደዱት ቦታ በክብር  እንዲቀመጡ ነበር ጥሪ ያስተላለፍነው፡፡ ከዚህ ባለፈ ሁለቱም ፓትርያርኮች ቤተ ክርስቲያኒቱን በአንድ ወንበር እንዲመሩ አልነበረም ሐሳባችን፡፡ ዛሬም ቢሆን  ብፁዕ   ወቅዱስ አቡነ ጳውሎስ ቢያርፉም  የኢትዮጵያ ቤተ ክርስቲያን ጥሪዋ ተመሳሳይ ነው” ብለዋል፡፡ አራተኛው ፓትርያርክ “ከነሥልጣናቸው ይግቡ የሚለውንና በውጭው ሲኖዶስ አባቶች የቀረበውን ሐሳብ ሙሉ ለሙሉ መቀበል ላለፉት ሃያ ዓመታት የተሠሩ ሥራዎችን በሙሉ እንዳልተሠሩ ማድረግ ነው” የሚል አስተያትም  በተደጋጋሚ ሰንዝረዋል፡፡
በመጨረሻም ዕርቀ ሰላሙ ይቅደም የሚለውን ሐሳብ  በመያዝ  በዛሬው እለት ከዘጠኝ ሰዓት ጀምሮ  በድጋሚ  ተሰብስበው  በውጭ ላለው ሲኖዶስ አባቶች ጥሪ  ስለማቅረብና እና የጀመሩትን ውይይት ለመቋጨት በሚያስችላቸው ሁኔታ ላይ  ለመወያየት  በቀጠሮ ተለያይተዋል፡፡ በዚህ ጉባኤ ላይ የውጭው ሲኖዶስ አባላትን ወደ አገር ቤት እንዲገቡና  በአንድነት  እንዲያገለግሉ ጥሪ ለማስተላለፍ ለሰላሙ ያለው መንፈስ ከፍተኛ እንደነበር ተነግሯል፡፡ ጥያቄ የሆነውና አባቶችን በሰፊው ያወያየው እንዴት ባለ መልኩ ይግቡ የሚለው ነበር፡፡
ቸር ወሬ ያሰማን፤ አሜን
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: