የሽግግር ምክርቤት ትግሉንም ድሉንም የጋራ ለማድረግ ሃገር ወዳድ ኢትዮጵያውያን እና ድርጅቶችን ለምክክር ጉባኤ ጠራ

Image

በአለም ዙርያ ለሚገኙ ሀገር ወዳድ ኢትዮጵያዉያንና ዲሞክራሲያዊ ድርጅቶች
ትግሉንም ድሉንም የጋራ ለማድረግ የተጠራ ሁሉን አቀፍ የምክክር ጉባኤ
በዋሽንግተን ዲሲ፤ ጁላይ፣ 2013
በአሁኑ ወቅት ሁሉም ኢትዮጵያዊ የሚጠይቀዉ አንድ ጥያቄ ነዉ። ይህም የአንድነትና ተባብሮ የመስራት ጥያቄ ነዉ። ይህንንም ጥያቄ ህብረተሰቡ በተገኘዉ መድረክ ላይ ሁሉ ሳያሰልስ እያነሳዉ ይገኛል። ከዚህ አኳያ ለዚህ ህዝባዊ ጥያቄ ሁሉም በጉዳዩ ያገባኛል የሚሉ ወገኖች ሁሉ ጊዜ ሳይሰጡ በመገናኘትና በዚህ ታላቅ ሀገራዊ አጀንዳ ላይ እጅግ ከፍተኛ ትኩረት ሰጥተዉ ሊወያዩበትና ሊመክሩበት አልፎም መፍትሄ ማስቀመጥና ይህንኑም ለማስፈጸም በጋራ መንቀሳቀስ ይጠበቅባቸዋል። የኢትዮጵያ ብሄራዊ የሽግግር ም/ቤትም ከተነሳለት ህብረተሰቡን የማስተባበር አላማ በመነሳት ከተባባሪ አዘጋጅ አካላት ጋር በመሆን፤ ለህብረተሰቡ ጥያቄ ቀጥተኛ እና ቆራጥ ምላሽ ለማሰጠት፤ ያለዉን ስርአት በማስወገድ ሂደትና ስርአቱም ከተወገደ በሗላ ስለሚተካበት ሁኔታ፤ ሁሉም ባለድርሻ አካሎች አማራጮቻቸውን የሚያቀርቡበት “ትግሉም የጋራ ድሉም የጋራ” በሚል መርህ ዙርያ ታላቅ ሁሉን አቀፍ የምክክር ጉባኤ በጁላይ ወር 2013 (እኤአ) በዋሽንግተን ዲሲ ላይ እየተሰናዳ ይገኛል።
የጉባኤዉ አላማ

ጉባኤዉ በሀገራችን ያለውን ጸረ-ኢትዮጵያ፤ ጸረ-ህዝብና፤ ጸረ-ዴሞክራሲ የሆነውን የሕወሓት/ኢህአዲግ ስርአት አስወግዶ ወደ ዲሞክራሲያዊ ስርዓት ስለመሸጋገር የሚመክር፡ አለማቀፍ ህዝባዊ ጉባኤ ነዉ። ከአለም ዙርያ የሚሰባሰቡ ኢትዮጵያዉያንና ድርጅቶች ያሏቸዉን የመፍትሄ ሀሳቦችና አማራጮች በጉባኤው ላይ የሚያቀርቡበትና የጋራ ምክክር በማድረግ (national dialogue) የብሄራዊ ስምምነት (Consensus Building) ባህልን በመጀመር፤ ብሎም ሁሉን-አቀፍ ሕዝባዊ የሽግግር መንግስት ከስርአቱ ዉድቀት በሗላ በኢትዮጵያ ዉስጥ የሚቋቋምበትን ቅድመ-ሁኔታዎችን በጋራ የሚያመቻች ጉባኤ ነዉ።
በጉባኤዉ የሚዳሰሱ አጀንዳዎች

1. የህወሀት/ኢህአዴግን ስርአት በተቀነባበረ ትግል ስለ ማስወገድ
2. አብዛኛዉን ወገኖችን ሊያስማሙና በጋራ ሊያሰሩ የሚችሉ የትግል መስኮችን መለየት
3. መላዉን ህብረተሰብና ባለድርሻዎች (stakeholders) ማስተባበር
4. የህወሀት/ኢህአዴግን በማስወገድ ሁሉን አቀፍ የሽግግር መንግስት ማቋቋም
5. ስርአቱን በመተካት ሂደት ከሁሉም ባለድርሻዎች (stakeholders) የሚቀርቡ አማራጮች
6. የአለማቀፍ ድጋፍ እንዴት ይሰባስባል
7. ለትግሉ የሚያስፈልገዉን አቅም መገንባት
8. የሚጀመረዉን የምክክር ሂደት በዘላቂነት ስለማስቀጠል
የጉባኤዉ ዉጤት

ከላይ በተዘረዘሩት ጉዳዮች ላይ እጅግ ከፍተኛ ዉይይቶች ተከናዉነዉ በጉባኤዉ ማገባደጃ የሚከተሉት ዉጤቶች ይወጣሉ ተብሎ ይጠበቃል።
1. ሁሉንም የጉባኤ ተሳታፊዎች ሊያስማሙ የሚችሉ የመፍትሄ ሀሳቦች በመዘርዘር ተለይተዉ ይወጣሉ
2. ስምምነት በተደረሰባቸዉ ጉዳዮች ላይ የጋራ አቋም ይወሰዳል
3. የጉባኤ ተሳታፊዎች በሁሉም ነገር ላይ በጋራ ለመስራት ባይችሉ እንኳን ስርአቱ እሰኪወገድ ድረስ እርስ በእርስ ላለመጋጨት የጋራ ስምምነት ያደርጋሉ
4. በሃገር ቤት ዉስጥ ትግል ከሚያደርጉ አካላት ጋር ትግሉ የሚቀናጅበትን ዘዴ (mechanism) ይፈጠራል
5. የሽግግር ሂደት እቅድ ይሰናዳል ለማናቸዉም አጋጣሚ ቅድመ ዝግጅቶች መደረግ ይጀምራሉ
6. ምክክር ሂደቱን በቀጣይነት ለማካሄድ ስምምነት ይደረሳል

የጉባኤዉ ተሳታፊዎች

ይህ ታላቅ ሀገራዊ ራእይንና መፍትሄ ይዞ የተነሳ እቅድ ሁሉንም ኢትዮጵያዊ እንዲያሳትፍ ከፍተኛ ጥረት መደረግ ይኖርበታል። ሁሉም ኢትዮጵያዊ የሀገርን ጥፋት የመከላከል ሀላፊነት አለበት ከሚለዉ መርህ በመነሳት ማናቸዉም ሀገሬን አወዳለሁ የሚል ወገን ሁሉ በስብሰባዉ ላይ በመገኘት ለሀገራችን ችግር አለኝ የሚለዉን መፍትሄ ለዉይይት እንዲያቀርብ ተጋብዟል። ማቅረብም ይጠበቅበታል። በዚህም መሰረት ለሁሉም
1. የፖለቲካ ድርጅቶች
2. የሲቪክ ማህበራት
3. ከሀገር ቤት የሚጋበዙ ድርጅቶችና እንግዶች
4. የሃይማኖት ድርጅቶች
5. የሜድያ ተቋማት
6. በየከተማዉ የሚገኙ የኢትዮጵያ ኮሚኒቲ ማህበራት
7. የሴቶች ማህበራት
8. የወጣቶች ማህበራት
9. የሙያ ማህበራት
10. ሀገር ወዳድ የንግድ ድርጅቶች
11. ምሁራን
12. ታዋቂ ግለሰቦች
13. ሀገር ወዳድ ኢትዮጵያዉያን
14. አለማቀፍ ድርጅቶች
15. የዉጭ ሀገሮች እንግዶች
ጥሪያችቸንን እያስተላለፍን ለጉባኤዉ መሳካት ሁሉም እዉነተኛ ሀገር ወዳድ ወገን ሁሉ ድጋፍ እንዲሰጥ በማክበር እንጠይቃለን። በጉባኤዉም ተሳታፊ ለመሆን ድረገጻችንን http://www.etntc.org በመጎብኘት እንዲሁም በኢሜይላችን contact@etntc.org በመላክ በተጨማሪም በስልክ ቁጥሮች 001-202-735-4262 እና +44-7958-487-420 በመደወል እንዲመዘገቡ እንጋብዛለን። ጉባኤዉን በተመለከተ በአለም ላይ ኢትዮጵያዉያን በሚኖሩባቸዉ ከተሞች ሁሉ ተከታታይ ስብሰባዎች በማከናወን ወገኖቻችንን በማወያየት ሁሉም ከተሞች ከፍተኛ ቁጥር ያላቸዉ የጉባኤ ተሳታፊዎች እንዲልኩ እንጋብዛለን።
አንድነት-ነጻነት!!!!!!!
የኢትዮጵያ ብሄራዊ የሽግግር ም/ቤት
ዘ-ሐበሻ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: