የሶማሊ ክልል ፕሬዚዳንት አብዲ ሙሀመድ ኡመር አድገናል በማለት የምናቀርበው ሪፖርት ሁሉ ውሸት ነው አሉ

images

ግንቦት ፪ (ሁለት) ቀን ፳፻፭ ዓ/ም

ኢሳት ዜና:-ፕሬዚዳንቱ የካቢኔ አመራሮችን እና የሶህዴፓ ፓርቲ አባሎችን በመሰብሰብ እንደተናገሩት ክልሉ እንደ ለማ እንደ አደገ ተደርጎ ለመንግስት የሚቀርበው ሪፖርት ሁሉ ግምገማ ለማለፍ ተብሎ የሚቀርብ በውሸት የተሞላ ነው ብለዋል።

ፕሬዚዳንቱ በስሜት ውስጥ ሆነው ባደረጉት ንግግር “  እኛ እንዳደግን ፣ ጥሩ ደረጃ ላይ እንደደረስን ተደርጎ በየጊዜው የሚቀርበው ሪፖርት ፍጹም ትክክል ያልሆነ ውሸት ነው። አሁን በእጄ የያዝኩት ሪፖርት እውነት ስለመሆኑ እርግጠኞች አይደለንም፤ ከአሁን በፊት ይቀርቡ የነበሩ ሪፖርቶችም እንዲሁ ናቸው። ግምገማ ለማለፍ ተብሎ በውሸት የተሞሉ ሪፖርቶች ናቸው የሚቀርቡት ” ብለዋል

ፕሬዚዳንቱ ” 10 ሚሊዮን እንስሶች ክትባት እንደተደረገላቸው ሪፖርት አድርገናል፤ ሪፖርቱ እውነት ስለመሆኑ እንኳ የግብርና ቢሮው ሃላፊው መማል ( ማረጋገጥ) አይችልም። እንኳንስ 10 ሚሊዮን 500 ሺ እንኳን ስለመከተቡ ምን ማረጋገጫ ይገኛል። ለመሆኑ ህዝቡ ይህ ሁሉ ሲከተብስ አያይም ወይ?” በማለት የሚቀርበው ሪፖርት በሙሉ ውሸት መሆኑን ተናግረዋል።

አቶ  አብዲ  ሬዲዮ አዲስ አበባና ሬዲዮ ፋና ስለሌሎች አካባቢዎች እየዘገቡ ስለ ኦጋዴን ችግር አለመዘገባቸውንም ኮንነዋል።

“አዲስ አበባና ሬዲዮ ፋና ስለሌሎች አካባቢዎች  ይዘግባሉ ፣ ነገር ግን ስለዚህ ህዝብ ችግር መዘገብ ነበረባቸው። አይዘግቡም። ማን ነበር ቃለምልልስ መስጠት የነበረበት? የወረዳ እና ዞን ሀላፊዎች ነበሩ።

አቶ አብዲ ” በክልላቸው ያሉ ባለስልጣናት    በሰላም ገብተው  በሰላም ማደራቸውንም  እንኳ ለመንግስት ሪፖርት እንደማያደርጉ ገልጸዋል።

ኢሳት የሶማሊ ክልል ፕሬዚዳንት የደረጉትን ሚስጢራዊ ንግግሮች ባቀረበው የመጀመሪያ ክፍል ፕሬዚዳንቱ  ”  ትግሬዎች፣  አማራ መልሶ ስልጣን እንዳይዝ ኦጋዴኖችን አስታጥቀው በጋራ አገሪቱን እንድንመራ ይፈልጉ ነበር፣ እኛ ግን እንደ አማራ ቆጥረናቸው ተኩስ ከፈትንባቸው፤ አማራ እና ትግሬ፣ አማራ እና ኦሮሞ መቼውንም አይታረቁም ፣ አይተባበሩም ስለዚህ የኦጋዴን ህዝብ ከትግሬ ጎን እንዲቆም፣ አማራ እና ትግሬን፣ አማራ እና ኦሮሞን አንድ አድርጎ አማራ እያለ መጥራቱን ያቁም” በማለት መናገራቸው ይታወሳል።

በጉዳዩ ዙሪያ  የሶማሊ ክልል ፕሬዚዳንትን ለማግኘት   ሙከራ ብናደርግም ፕሬዚዳንቱ ስብሰባ ላይ ናቸው በሚል ጸሀፊያቸው ልታገናኝን አልቻለችም።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: