ተጨማሪ የኢትዮጵያ የጸጥታ ሃይል ወደ ሶማሌ ክልል መሰማራቱ ተገለጸ

Ethiopian soldiers ride an army vehicleበኢትዮጵያና ጎረቤት ሶማሊያ ድንበር አካባቢ የተቀሰቀሰዉን ግጭት ተከትሎ ኢትዮጵያ ተጨማሪ ወታደራዊ ሃይል ወደስፍራው ማሰማራቷ ተገለፀ።
በእስካሁኑ የኢትዮጵያ ልዩ ሃይሎችና በሶማሊያ የጎሳ ታጣቂዎች መካከል በተካሄደዉ ግጭት በትንሹ ከ50 በላይ ሰዎች የተገደሉ ሲሆን፤ የሶማሊያ ባለስልጣናት የኢትዮጵያ የፀጥታ ሃይሎች የዘር ማጥፋት ወንጀል ፈፅመዋል ሲሉ ተቃዉሞ ማሰማታቸውን ሶማሊ ከረትን የተሰኘ ጋዜጣ ዘግቧል።
የጋልጋይዱድ ክልል ሃላፊ የሆኑት ሁሴን አርፎ የኢትዮጵያ ወታደሮች የፈፀሙትን ጥቃት ተከትሎ በመቶዎች የሚቆጠሩ ነዋሪዎች ከቀያቸዉ መፈናቀላቸዉንና በአስቸጋሪ ሁኔታ ዉስጥ መሆናቸዉን ለጋዜጠኞች አስረድተዋል።
ልዩ ሃይል እየተባሉ የሚጠሩት የፀጥታ ሃይል አባላት የወሰዱት እርምጃ የዘር ማጥፋት ድርጊት ተደርጎ ሊወሰድ እንደሚችል የክልሉ ሃላፊ አክልዉ ገልጸዋል።
በአካባቢዉ ዉጥረት አለመርገቡን የሚናገሩት ነዋሪዎች በበኩላቸዉ ተጨማሪ የኢትዮጵያ የፀጥታ ሃይሎች በድንበሩ ዙሪያ መሰማራቱን ተናግረዋል። በድንበር ዙሪያ በመካሄድ ላይ ያለዉን ግጭት ተከትሎም የሶማሊያ ባለስልጣናት ከኢትዮጵያ አቻዎቻቸው ጋር ምክክር በማድረግ ላይ መሆናቸዉን ሶማሊ ከረንት ጋዜጣ በዘገባዉ አመልክቷል።
ከሳምንት በፊት በኢትዮጵያ የተካሄደዉን ምርጫ ምክንያት በማድረግ ኢትዮጵያ ሰራዊቷን ወደ ሶማሊያ ድንበር አስጠግታ መሰንበቷ ይነገራል።
ሃገሪቱ የወሰደችዉ እርምጃም የድንበር ግጭቱ እንዲቀሰቀስ ማድረጉን የሶማሊያ መገናኛ ብዙሃን በመዘገብ ላይ ናቸዉ። የኢትዮጵያ መንግስት በጉዳዩ ዙሪያ እስካሁን ድረስ የሰጠዉ ምላሽ የለም።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: